سنسلب
كان يا مكان في قديم الزمان كان فيي بنت حلوة كتيير كتيير اسمها سنسلب
كانت بنت هادية وحلوة وشاطرة كتيير بالمدرسة ومطيعة لوالديها
لهيك جبلها ابوها هدية غريبة وغالية كركاب من دهب
كانت بمدرسة حلوة كتيير بس كان في شي غريب بسير بالمدرسة
كان فيي طلاب بختفوا كل فترة وما بكونلهم أثر
في مرة من المرات كانت سنسلب ناسية شي بالمدرسة فرجعت لوحدها حتى تجيبها
واذا بالمعلم كان عم بوكل بزميل الها بصف
كان من عادت المعلم انه كل فترة بترك طالب لينظف الصف وبعمل حاله انه مروح متله متل الطلاب
لكن كان بالحقيقة برجع ليوكل الطالب لانه كان أصله غول متنكر بهيئة معلم
فلما شافت سنسلب هالمظر تركت كل شي وهربت بسرعة للبيت وبطريق انخلع كركابها الدهب
فتركت شقت الكركاب وتخبت بغرفتها
وفي الليل اجى الغول وسار يقول
يا سنسلب نسيتي كركابك الدهب
يا سنسلب نسيتي كركابك الدهب
فخافت سنسلب كتيير وبطلت تروح عالمدرسة
فسألتها امها فحكتلها سنسلب كل شي ، فصدقت الام كل شي
وحكت للأب بس الاب ماصدق شي
لهيك حكت الام لكل الجيران وخططوا انهم يعملوا حفلة ويعزموا المعلم عليها ويحطوله مخدر
وزبطت الخطة والمعلم نام بس الأب مارضي يهرب مع الناس وحب انه يضل ويثبتلهم انهم غلط
لهيك تركوا وهربوا ، ولما صحي الغول سار يفتح البيوت وما يلاقي حد فيهن ولما وصل لبيت سنسلب
دور دور بس ماكان في حد وهو طالع من البيت سمع صوت فرجع وسأل نفسه :-
الصحن مابفسي !!! الكاسة مابتفسي !!! مين فسى
ولما رجع يطلع رجع طلع نفس الصوت ورجع الغول سأل نفسه
الحيط مابفسي !!! الكرسي ما بتفسي !!! من فسى
ولما رجع يطلع والآ الطحين طار، عرف انه في حد فمسك ابو سنسلب وحكاله من وين اكلك
حكاله من إجري الا مامشو مع بنتي
أكله الغول ورجع يدور على الناس ، بس ماكان يعرف انه الشباب كانو عامليله فخ حتى يقتلوه فيها
وفعلاً زبط الفخ ومات الغول ولما رجعت سنسلب وإمها لاقو الساق والمعلاق
لأبو سنسلب معلق على الباب فحزنو كتيير وبكو عليه
