حكاية سرية تحب اخوها -

حكاية سرية تحب اخوها

حكاية سرية تحب اخوها

حكاية سرية تحب اخوها على مجلة الاطفال والكرتون 25/12/2016 - قصص وحكايات الاطفال تقدم لكم حكاية سرية تحب اخوها في قسم القصص والحكايات - حكايات المكتوبة والمصورة - على موقع مجلة الاطفال والكرتون ، حكاية سرية تحب اخوها قصة وحكاية للاطفال الغرض منها تعليم وترفيه الاطفال مع اجمل القصص والحكايات

انت القاريء رقم 832 الذي قام بقراءة حكاية سرية تحب اخوها

 

سرية تحب اخوها

 

 

 

كان يا ما كان كان في زمان بنت اسمها سرية، كانت سرية بنوتة جميلة، بس كان ملهاش اخوات

 

وكانت علي طول تقول لمامتها، انا نفسي يبقي عندي اخوات يا ماما، اشمعني اصحابي في

 

المدرسة عندهم اخوات بيلعبوا معاهم في البيت وانا ببقي وحيدة وبلعب لوحدي واكل لوحدي،

 

انا نفسي يبقي عندي اخ او اخت يلعبوا معايا.


وفي يوم من الايام مامتها قالتلها انا عندي ليكي خبر هيفرحك جدا، انا حامل وكمان كام شهر هيبقي

 

عندنا نونو، هيكبر و يبقي اخ او اخت ليكي وهتتحقق الامنية اللي نفسك فيها بقالك فترة

 

ان يبقي عندك اخوات يلعبوا معاكي.


سرية فرحت جدا وكانت طايرة من الفرحة ان هيجيلها اخ او اخت تتسلي معاهم و يلعبوا بالالعاب

 

سوا مع بعض و ياكلوا مع بعض ولما وصل النونو بالسلامة للدنيا، كانت سرية فرحانه جدا

 

بالنونو الجديد بتاعهم وكانت علي طول تيجي جمبوا وتكلموا وتقولوا يلا يا بدر اكبر بقي بسرعه

 

عشان تلعب معايا و تاكل معايا و نعمل كل حاجه سوا مع بعض.

 


يوم بعد يوم وشهر بعد شهر وسنة بعد سنة، كبر بدر وبقي عندة سنتين، لكن الشئ الغريب اللي

 

مامه سرية لاحظته، ان سرية مش بتحب بدر ومبتخلهوش يلعب معاها و كل ما يمسك لعبة من

 

لعبها تشدها منه وتزقه جامد بايديها ويقع علي الارض يتخبط و يعيط، وما يهميهاش واتكررت

 

تصرفات سرية، مرة ترفض انو ياكل معاها، وتقول عايزة اكل لوحدي ولو بيتفرج في التليفزيون

 

علي كارتون بيحبه تجري تحوله عشان يعيط، وبتشبط في اي لعبه يمسكها بدر

 

وتقعد تعيط عايزه تاخدها منه.


مامتها كان مستغربة جدا من تصرفاتها لانها عكس ما كانت متوقعة تماما، اللي كان نفسها يبقي

 

عندها اخوات دلوقتي بتضرب اخوها وتقول لمامتها انتي جبتيلي اخوات ليه انا عايزة اعيش لوحدي

 

و العب لوحدي، مامتها بدات تدور علي السبب خاصة لما لاحظت ان سرية علي طول بتقارن نفسها

 

باخوها وعلي طول عايزة باباها و مامتها يجيبولها لعب ليها اكتر منه عايزة لبس وحلويات اكتر منه.


مامتها قررت تتكلم معاها عشان تعرف منها بالضبط ايه الحكاية وقالتلها ان خوها لسه بيبي

 

وبيحبها ومبيبقاش فاهم اذا كان الي بيعملوا صح ولا غلط فالمفروض اننا نعامله بالراحة لحد ما يكبر

 

و يفهم، لكن سرية فجأتها وقالتلها ان مش بحب اخويا، مشيه من البيت انا عايزة اعيش لوحدي،

 

انتي و بابا كنتوا بتحبوني زمان لكن دلوقتي بتحبوا بدر اكتر مني وبتخافوا عليه اكتر مني

 

و بتلاعبوه هو ومش بتلعبوا معايا وبتفرحوا بيه لما بينطق كلمه جديدة وبكدة مامتها عرفت منها

 

السبب وقالتلها يا حبيبتي مفيش ام او اب بيحبوا حد من اولادهم اكتر من التاني، انتوا الاتنين

 

عندنا زي بعض بنحبكوا انتوا الاتنين وبنخاف عليكوا، يمكن لان هو لسه بيبي بنخاف عليه لانه

 

ممكن يأذي نفسه وهو مش فاهم، لكن انت كبيرة وشطورة وفاهمة انتي اخته الكبيرة وهو بيحبك،

 

وبكرة لما يكبر ويفهم هيبقي صاحبك و حبيبك وهتخلوا بالكوا من بعض لان اخوكي هو اكتر

 

حد هتلاقيه خايف عليكي ولما تكبري هتعرفي كويس معني كلامي ده وهتقولي ماما كان عندها

 

حق، بكرة لما تكبري و يبقي عندك مشكلة او محتاجه اي حاجه هتلاقيه هو اول واحد بيقف

 

جمبك ويعملك اللي انتي عايزاها و يساعدك تحلي مشكلتك وانتي كذلك لو هو

 

احتاج حاجه تقفي جمبوا و تكونوا اصحاب.


سرية اقتعنت بكلام مامتها وبدأت تعامل اخوها فعلا علي انه بيبي صغير وبقت تديلوا اللعب

 

 

وتراضيه وتجيبلوا الكارتون اللي بيحبوا في التليفزيون عشان ميعيطش لما مامتها بتبقي مشغولة

 

في المطبخ مثلا، باباها ومامتها فرحوا جدا بيها لما شافوها اتغيرت وبقت بتحب اخوها.


حكاية سرية تحب اخوها

انت المشاهد رقم 832 الذي قام بمشاهدة حكاية سرية تحب اخوها على مجلة الاطفال والكرتون حتى اليوم 25/12/2016 نرجوا ان تكون قد امضيت وقتا مفيدا ومسليا في مشاهدة وقراءة القصة، بامكانك وضع تعليق على هذه القصة والحكاية وما رأيك فيها، وقراءة المزيد من القصص والحكايات المشوقة والمسلية على مجلة الاطفال والكرتون التي تحتوي على مجموعة كبيرة من القصص والحكايات للاطفال من قصص فلاش وحكايات فيديو و حكايات كرتونية وقصص الانبياء وحكايات اخرى متنوعة للاطفال.. ولا تنسى ان تشارك القصة مع أصدقائك في المدرسة والبيت

  من نوادر أشعب  
  حكاية الارنب والضفدع  
  حكاية البطيخة والاخوة الثلاثة  
  حكاية الفيل يريد ان يلعب  
  حكاية القطة التي لم تفكر جيدا  
  حكاية الكثرة تغلب الشجاعه  
  حكاية قطة بثلاثة اقدام  
  حكاية نصيحة السلحفاة  
  حكاية مغامرات سوسن  
   السمكات الثلاث  
  حمار الرجل الصالح  
  الخشبة العجيبة  
  المهر الصغير  
  حكاية الحمامة المطوقه  
  حكاية السمكات الثلاث .. من حكايات كليلة ودمنة للاطفال  
  قصة الغراب والثعلب المكار  
  قصة الجمل الأعرج  
  بحيرة الضفادع  
  المزارع والارنب  
  الفأر الذكي  
  البنت والذبابة  
  البُستانيّ و الثّعلبُ  
  بياض الثلج  
  الحقيبة الهاربة  
  البطة الحزينة  
  الغراب الذكي  
  الصياد الماهر  
  حوار بين الكتاب والتلفاز  
  حدوتة البطة الحزينة  
  حدوتة الثيران الثلاثة  
  حكاية البقرة والجرس - حكاية جميلة للاطفال  
  قصة رحلة إلى الفضاء  
  حكاية لم كان للأرنب أذان طويلة  
  حكاية الكتكوت المغرور  
  حكاية السلحفاة التي فقدت درعها  

الكرتون الجديد والحصري
اعلانات المجلة